Tre efektivë të Policisë së Kosovës janë pezulluar për 72 orë për mungesë reagimi, pasi eskorta e kryeministrit në detyrë, Albin Kurti, u godit me vezë gjatë një vizite në Skenderaj.
Kryeministri Kurti ndodhej në Skenderaj për përurimin e një çerdheje, kur persona ende të paidentifikuar hodhën vezë drejt eskortës së tij.
Për incidentin ka reaguar edhe kryetari i Qendrës së Vetëvendosjes në Skenderaj, Hysni Mehani, i cili akuzoi Partinë Demokratike të Kosovës për organizimin e sulmit.
“Sulmet e Sami Lushtakut me vezë janë dëshmi që ju ka lagë baruti; njëherësh dëshmi e mendësisë primitive që udhëheq me PDK-në në Skenderaj, e fatkeqësisht, edhe me të gjithë PDK-në,” shkroi Mehani.