Kanë dalë emrat e tre personave të arrestuar në kuadër të operacionit të policisë shqiptare dhe të asaj italiane të cilat goditën një grup kriminal të Call-Centre që mashtronin qytetarët italianë përmes bursave.
Mësohet se janë arrestuar Elisa Caci, Gliberto Pushani dhe Valbona Abedinaj.
Në një konferencë për shtyp prokurori i SPAK Ened Nakuçi bëri me dije se qytetarët kontaktoheshin me telefon dhe bindeshin që të investonin fillimisht në shuma të vogla në vlerën e 250 Euro për të blerë aksione në Amazon. Më pas i bindin për investim në kriptovalutën në Bitcoin. Ndërkohë, paratë e fituara nga italianët shndërroheshin në kriptovaluta që të bëheshin të pagjurmueshme.